Huawei Digital Power va Photomate o‘rtasidagi 10 yillik hamkorlik

Huawei Global Installer Summit’ning ikkinchi marotabasi 2025-yilda Xitoyning Dongguan shahridagi Songshan ko‘li hududida bo‘lib o‘tdi.

Tadbir davomida Huawei Digital Power global soha mutaxassislari, mijozlar va hamkorlar bilan birgalikda quyosh energetikasi (PV) sanoati rivojlanish tendensiyalari haqida fikr almashdi hamda sohadagi eng so‘nggi yangiliklar, texnologik innovatsiyalar va ilg‘or biznes amaliyotlari bilan bo‘lishdi.

Ushbu tadbir doirasida Huawei Digital Power va Photomate o‘rtasidagi 10 yillik hamkorlik ham tantanali tarzda nishonlandi.

Bu o‘zaro hamkorlikning 10 yillik davri nihoyatda sermahsul va samarali bo‘lib, bu muvaffaqiyatli yo‘l uchun eng katta minnatdorchilik va e’tirof siz – bizning biznes hamkorlarimizga bildirildi.

O‘tgan o‘n yillik mobaynida Photomate Markaziy, Sharqiy va Shimoliy Yevropa, Kavkaz va Markaziy Osiyoda qayta tiklanuvchi energetika bozorida mustahkam o‘rin egalladi. Bugungi kunda biz 23 ta davlatda faoliyat olib bormoqdamiz va 250 dan ortiq xodimdan iborat kuchli jamoaga egamiz.

Bizning asosiy missiyamiz — mijozlarga kompleks energiya yechimlari va aqlli texnologiyalarni taklif qilish orqali yanada yashil va barqaror kelajakni ta’minlashga hissa qo‘shishdir.

Huawei va Photomate o‘rtasidagi kelajak va hamkorlik ham ushbu tadbirning muhim mavzularidan biri bo‘ldi. Tadbir yakunida 2025–2035-yillarni qamrab oluvchi kelgusi o‘n yillik hamkorlik bo‘yicha qo‘shma memorandum imzolandi.

Mazkur davr mobaynida Photomate — Huawei’ning Qo‘shimcha Qiymatli Hamkori (Value Added Partner) sifatida Yevropa bozorida aqlli quyosh energetikasi (smart PV) sohasini kengaytirish, hamkorlik ekotizimini rivojlantirish, mahsulot, xizmat ko‘rsatish, marketing va rezidensial, C&I hamda yirik sanoat segmentlarida uzoq muddatli salohiyatni oshirish bo‘yicha strategik qo‘llab-quvvatlashni ta’minlash majburiyatini oldi.

Biz kelgusi hamkorlik davrini intiqlik bilan kutmoqdamiz va ushbu unutilmas tadbirda hukm surgan qiziqarli suhbatlar, chuqur tahliliy mavzular va dam beruvchi muhitdan olingan taassurotlarni siz bilan ham videorolik orqali baham ko‘rishga mamnunmiz.